МЭНДЧИЛГЭЭ

Эрхэм баялаг бүтээгчид, жижиг, дунд үйлдвэрлэл, үйлчилгээ эрхлэгчид ээ!

Сүхбаатар дүүргийн Жижиг, дунд үйлдвэрийг дэмжих төвийн цахим хуудсанд зочилж буй та бүхэнд энэ өдрийн амар амгаланг өргөн дэвшүүлж, халуун мэндчилгээ дэвшүүле.

Бид дүүргийнхээ эдийн засгийн тулгуур багана болсон жижиг, дунд үйлдвэрлэл, хувийн хэвшлийг чадавхжуулах, тэдний өрсөлдөх чадварыг дээшлүүлэх, өрхийн болон бичил бизнесийг дэмжих замаар иргэдийнхээ орлогыг нэмэгдүүлэн, ажлын байр тогтвортой хадгалахад гол зорилгоо чиглүүлэн ажиллаж байна.

Өнөөдөр бизнес эрхлэгч та бүхний амжилт, бүтээлч санаачилга нь дүүргийн төдийгүй улс орны хөгжлийн гол хөдөлгүүр юм. Манай төвөөс та бүхний хэрэгцээ шаардлагад нийцсэн дараах чиглэлээр цогц дэмжлэг үзүүлэн ажиллаж байна:

• Зөвлөх үйлчилгээ ба мэдээлэл: Бизнес эхлүүлэх, өргөжүүлэхэд шаардлагатай мэргэжлийн зөвлөгөө, мэдээллээр оновчтой хангах

• Сургалт, чадавхжуулалт: Бизнесийн удирдлага, маркетинг, санхүүгийн болон ур чадвар дээшлүүлэх сургалтуудыг тогтмол зохион байгуулах

• Зах зээлийн холбоос: Үйлдвэрлэгчдийн бүтээгдэхүүн, үйлчилгээг олон нийтэд сурталчлах, үзэсгэлэн худалдаанд оролцох боломжоор хангах

• Хөрөнгө оруулалт, төслийн дэмжлэг: Хөнгөлөлттэй зээл, төсөл хөтөлбөрүүдэд хамрагдах боломжийг нэмэгдүүлэх

Бид төрийн үйлчилгээг илүү ил тод, түргэн шуурхай, хүнд сурталгүйгээр иргэд, бизнес эрхлэгчдэдээ хүргэхийг зорин ажиллаж байна. Энэхүү цахим хуудаснаас та бүхэн манай төвийн үйл ажиллагаа, хэрэгжүүлж буй төсөл хөтөлбөрүүд, сургалт ба арга хэмжээний мэдээллийг цаг алдалгүй авч, бидэнтэй хамтран ажиллана гэдэгт итгэлтэй байна.

Та бүхний бизнесийн замыг нээж, амжилтад хүрэхэд бид үргэлж нээлттэй бөгөөд итгэлтэй хамтрагч тань байх болно.

Баялаг бүтээгч та бүхний бүтээлч ажилд өндөр амжилт хүсэж, бизнес нь улам бүр өргөжин дэлгэрэхийг ерөөе!

Хүндэтгэсэн,

Д.Анхбаяр

СҮХБААТАР ДҮҮРГИЙН ЖИЖИГ, ДУНД ҮЙЛДВЭРЛЭЛИЙГ ДЭМЖИХ ТӨВИЙН ЗАХИРАЛ